Америка призиденти җорҗ буш ирақ мәсилиси һәққидә йеңи стратикийә бекитидиғанлиқини билдүрди


2006.12.14

Америка призиденти җорҗ буш, чаршәнбә күни, америка дөләт мудапиә министирлиқиниң хадимлири вә али дәриҗилик һәрбий хадимлар билән ирақ мәсилиси һәққидә сөһбәтләшкәндин кейин, мухбирларға, өзиниң бу һәқтә бир мүддәт әсдайидил ойлунуп, андин мәзкүр мәсилини бир тәрәп қилиш чариисни елан қилидиғанлиқини билдүрди.

Америка мәтбуатлирида, бир қанчә күн илгири, америка дөләт мудапиә министирлиқиниң, ирақта турушлуқ америка қошуниниң санини көпәйтиш тоғрисидики тәшәббүси елан қилинған болуп, әмма призидент буш бу һәқтә һечқандақ ипадә билдүрмиди.

Призидент буш дүшәнбә вә сәйшәнбә күнлири, америка һөкүмәт әрбаблири билән бирликтә ирақ мәсилиси үстидә мәхсус сөһбәт елип барғандин сирт ақ сарайда, ирақ сунй муавин призиденти әл һашими билән учришип, ирақ вәзийити тоғрисида музакирләшкән.

Бу җәрянда призидент буш йәнә, ирақ призиденти талабаний вә курдләр райониниң мәсули барзани билән телфун сөһбити өткүзгән. Призидент буш 25 ‏- декабир күнидин бурун ирақ һәққидә йеңи стиратикийә елан қилидиғанлиқини билдүргән иди, у һазир буниңдин ваз кечип, 2007 ‏- йилиниң башлири андин бу һәқтә ениқ позитсийә билдүрдиғанлиқини алаһидә тәкитлиди. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.