Bush iraqni tuyuqsiz ziyaret qildi

Amérika prézidénti jorj bush , -3 séntebir düshenbe küni iraqni tuyuqsiz ziyaret qildi. U ziyaret dawamida iraqning weziyiti dawamliq muqimliship barghan teqdirde amérikining iraqtin esker chékindürüsh éhtimalliqi barliqini tilgha alghan.

Bush bu qétim awstraliyidiki asiya ténich okyan iqtisadi hemkarliq yighinigha qatnishish sepiride, mexpiy halda iraqni tuyuqsiz ziyaret qilghan bolup , bushning bu iraq ziyaritige yene amérika tashqi ishlar ministiri kandiliza rayis we amérika herbiy qisimlirining aliy qomandani hemra bolup barghan.

Bush iraq ziyaritide amérikining iraqta turushluq elchixana , herbiy qisim emeldarliri hemde iraqning bash ministiri qatarliq kishiler bilen körüshkendin bashqa iraqtiki sünniy hem shi'e mezhipi diniy dahiliri bilen bir üstelde olturup söhbet élip barghan.

Bush bu qétimliq iraqni közdin kechürüsh jeryanida her qaysi tereplerning doklatliridin, iraqning tinchliq weziyitide körünerlik netijilerning qolgha kelgenlikini körüwélishqa bolidighanliqini , emma bu jehette iraq hökümet da'irilirining yenimu tirishchanliq körsitishi kéreklikini otturigha qoyghan we " gerche amérikining bir qisim dölet mejlis ezaliri amérikining iraqtin bu yil eskerlerni chékindürüshini telep qiliwatqan bolsimu , emma amérika iraqni tashlimaydu" dep tekitligen.

Amérika awazi radi'osining amérika yuqiri derijilik bir emeldarining sözini neqil keltürüshiche, bush kéler hepte amérika dölet mejliside ötküzülidighan iraq mesilisi heqqide mexsus ispat anglash yighinidin kéyin , iraq mesililiri heqqide muhim qarar bérishi mumkin iken. Hazirgha qeder amérika qisimlirining iraqta chiqim qilghan eskerliri 3700din ashti. (Gülchéhre)