Kishilik hoquq teshkilati prézidént bushtin kishilik hoquqni muhim mesililer qatarida otturigha qoyushni telep qildi


2005.11.17

Merkizi nyu yorktiki kishilik hoquqni közitish teshkilati charshenbe küni, prézidént bushqa xet yézip, xitay dölet re'isi xu jingtaw we bash ministir wén jyabawlar bilen uchrashqanda, kishilik hoquq mesilisini muhim mesililer qatarida otturigha qoyushni telep qildi.

Kishilik hoquqni közitish teshkilati, "yéqinqi yillardin béri , kishilik hoquq mesilisining xitay - amérika söhbitidiki orni körinerlik derijide ajizlimaqta, dep qaraydu we shundaqla buningdin bi'aramliq hés qilmaqta " dep tekitligen. Emma mezkur teshkilat, prézidént bushning yaponiyide xitayni siyasiy erkinlikke chaqirghan nutuqigha ijabiy baha bérip, bu nutuq amérika hökümitining xitay mesiliside kishilik hoquqqa qaytidin köngül bölüshke bashlighanliqining ipadisi bolup qélishni ümid qilghan.

Prézidént bush charshenbe küni teywen démokratiyisini maxtighan, xitay da'irilirini puqralirigha téximu köp siyasiy erkinlik bérishke chaqirghan idi. Emma xitay hökümiti peyshenbe küni prézidént bushning chaqiriqini ibarisi siliq sözler bilen ret qildi. Xitay tashqiy ishlarministirliqining bayanatchisi lyu jyenchaw, peyshenbe küni muxbirlargha " junggo xelqi qanun boyiche diniy ibadet erkinlikini öz ichige alghan démokratiye we erkinlikning barliq shekilliridin behriman boliwatidu " dédi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.