Prézidént bush béyjing olimpik yighinida kishilik hoquq mesilisini otturigha qoyidighanliqini bildürdi

2008-02-29
Élxet
Pikir
Share
Print

Yéqinqi bir sözide béyjing olimpik yighinining siyasiylashturulushigha qarshi chiqqan amérika prézidénti bush, peyshenbe küni xitay dölet re'isi xu jintawning teklipige bina'en qatnishidighan béyjing olimpik yighini sepiride kishilik hoquq mesilisini otturigha qoyidighanliqini bildürdi. Bush peyshenbe küni muxbirlargha özining béyjing olimpik yighinigha qatnishidighanliqini yene bir qétim tekrarlidi. Lékin u olimpikning erkinlik mesilisini otturigha qoyushigha tosalghu bolalmaydighanliqini eskertti.

Bush, xitayda kishilik hoquq olimpiktin muhim, dégen bir neper zawut ishchisining hakimiyetke qarshi turush jinayiti bilen eyiblen'genliki heqqidiki weqege baha bérip, özining olimpik musabiqisini körüsh bilen birge " bu ishchining weqesige diqqet qilghanliqini otturigha qoyush shundaqla özining xu jintaw bilen bu mesililer üstide sözlishish pursitige ige bolidighanliqi" ni bildürdi. U, "saghlam we özige ishen'gen bir jem'iyet diniy erkinlikning qedir - qimmitini étirap qilidu," deydu.

Xitay hökümiti bu qétimqi olimpik yighinining muweppeqiyetlik bolushini bolupmu, dunyagha özining qudretlik dölet ikenlikini namayen qilish üchün tirishmaqta. Lékin xitay olimpik musabiqisining yétip kélishige egiship, kishilik hoquq, diniy erkinlik we axbarat erkinlikide xelq'ara jem'iyetning éghir bésimigha duch kéliwatidu. Amérika dölet mejlisidiki jumhuriyetchi we démokratik qanun chiqarghuchilar aldinqi küni dölet mejlisidiki bir ispat bérish yighinida xitayni kishilik hoquqni yaxshilash heqqidiki olimpik wediside turushqa chaqirdi. (Erkin)

Pikirler (0)
Share
Toluq bet