Amérika prézidénti jorj bush ottura sherq ziyaritini dawamlashturuwatidu

Amérika prézidénti jorj bush 1 ‏- ayning 8 ‏- küni türkiye prézidénti abdulla gul bilen körüshkendin kéyin, ottura sherq ziyaritini bashlighan idi. Bush bu qétim isra'iliye, pelestin, ereb xelpiliki, kuweyt, se'udi erebistani, misir qatarliq döletlerde sekkiz kün ziyarette bolidu.

Jorj bush ottura sherq ziyaritini bashlashtin burun, 'el hura téléwiziyisi' ning muxbirining sorighan su'allirigha jawab bergende, u özining bu qétimqi ziyaritining meqsitini isra'iliye bilen pelestindin ibaret bu ikki döletning tinch ötüshini ilgiri sürüsh we amérikining bu rayondiki ittipaqdashlirini bu ikki döletning tinch ötüshini qollashqa qayil qilishtin ibaret dep bayan qilghan idi.

Jorj bush muxbirning, 'siz özingizning prézidéntliq mezgili axirlashqiche, musteqil pelestin dölitini qurush emelge ashidighanliqigha ishinemsiz' dégen su'aligha 'héch bolmighanda pelestin dölitining shekillinishige ishinimen, gerche bu döletning organliri, bixeterlik qoshunlirini qurush nahayiti murekkep bolsimu' dep jawab bergen idi. U yene muxbirning 'ottura sherq xelqi sizni qandaq prézidént dep xatirilishi mumkin' dégen su'aligha jawab bergende 'ottura sherq xelqi mini siyasiy gherizi üchün biguna ademlerni öltüridighan esebiy radikalchilargha qarshi turidighan, ottura sherqning parlaq kelgüsige ishinidighan, yerlik xelqning en'enisige hürmet qilidighan prézidént dep xatirileydighanliqigha ishinimen' dep jawab bergen idi. (Weli)