Prézidént bush küweyttiki ziyaritini bashlidi

Prézidént bush jüme küni paris qoltuqidiki küweytke yétip kélip, bu qétimqi ottura sherq sepiride ziyaret qilidighan 5 erep dölitining 1 - békitidiki ziyaritini bashlidi.

Prézidént bush bügün küweyt emiri sabax bilen söhbet ötküzüshi mumkin. Bushning bu qétimqi sepirining meqsidi özining ottura sherq tinchliq pilani üchün ereb döletlirining qollishini qolgha keltürüsh shundaqla iranning rayonda kündin - kün'ge küchiyiwatqan tesir küchi toghrisida rayondiki döletler bilen pikir birliki hasil qilishtur.

Prézidént bush küweyt sepiride yene , amérikining küweyttiki bir herbiy bazisini közdin kechürüshi we bu yerde iraqtiki amérika armiyisining qomandani pétroyis we iraqtiki amérika bash elchisi rayén krokérlar bilen körüshüshi mumkin.

Prézidént bush küweyt ziyaritini bashlashtin burun isra'iliye bilen pelestinni ziyaret qilip, ikki terep rehberliri bilen tinchliq kélishimi we pelestin dölitining qurulush mesilisi üstide söhbet élip barghan. Bush, isra'iliye bilen pelestinning bu yil ichide tinchliq kélishimi imzalap, pelestin dölitining qurulushigha ümidwar qaraydighanliqini bildürmekte. U, isra'iliye paytexti tél'awiftiki bin gori'an ayrudurumidin ayrilishtin burun, isra'iliye prézidénti shimon peres we bash ministir axud olmartlargha 'tinchliqqa érishish pursiti nahayiti zor' dep körsetti. Bush bu sepiride küweyttiki ziyaritidin kéyin, behreyn, erep birleshme xelipiliki, se'udi erebistanlarda ziyarette bolidu. (Erkin)