Буш мушәррәпниң һәрбий һоқуқ үстидин истипа беришини тәшәббүс қилди


2007.11.08

Америка президенти җорҗ буш чаршәнбә күни пакистан президенти пәрвиз мушәррәп билән телефон арқилиқ сөһбәтлишип, униң пат арида сайлам өткүзүп, һәрбий һоқуқтин истипа беришини тәшәббүс қилди. Президент җорҗ буш америкида зиярәттә боливатқан франсийә президенти саркузи бирликтә мухбирларға сөз қилип, мушәррәп билән сәмимий йосунда музакирә елип барғанлиқини билдүрди.

Франсийә президенти саркузи " пакистанниң һазирқи вәзийити кишини әндишиләндүриду, буниңдики асаслиқ сәвәбләр пакистанниң ядро қоралға игә дөләт болиши һәмдә бу районда әсәбий радикал күчлириниң мәвҗутлуқи " дәп, пакистанда тездин сайлам елип бериш керәкликини тәкитлиди.

Америка ташқи ишлар ярдәмчи министири җон негропонте америка дөләт мәҗлиси әзалириға ":мушәррәп террорчилиққа қарши урушта биз билән һәмкарлишип келиватқан иттипақдишимиз, вашингтонниң пакистанға көрситиватқан иқтисадий вә һәрбий ярдими, асасән террорчилиқ күриши үчүн ишлитилмәктә, шуңа бу җәһәттики ярдәмни азайтиш америка вә пакистанниң мәнпәәтигә уйғун кәлмәйду" деди.

Вашнгтон даирилири йеқинда, пакистанға бериливатқан иқтисадий ярдәм соммисини азайтиш тәшәббусини оттуриға қойған иди. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.