Bush musherrepning herbiy hoquq üstidin istipa bérishini teshebbüs qildi
2007.11.08
Amérika prézidénti jorj bush charshenbe küni pakistan prézidénti perwiz musherrep bilen téléfon arqiliq söhbetliship, uning pat arida saylam ötküzüp, herbiy hoquqtin istipa bérishini teshebbüs qildi. Prézidént jorj bush amérikida ziyarette boliwatqan fransiye prézidénti sarkuzi birlikte muxbirlargha söz qilip, musherrep bilen semimiy yosunda muzakire élip barghanliqini bildürdi.
Fransiye prézidénti sarkuzi " pakistanning hazirqi weziyiti kishini endishilendüridu, buningdiki asasliq sewebler pakistanning yadro qoralgha ige dölet bolishi hemde bu rayonda esebiy radikal küchlirining mewjutluqi " dep, pakistanda tézdin saylam élip bérish kéreklikini tekitlidi.
Amérika tashqi ishlar yardemchi ministiri jon négroponté amérika dölet mejlisi ezalirigha ":musherrep térrorchiliqqa qarshi urushta biz bilen hemkarliship kéliwatqan ittipaqdishimiz, washin'gtonning pakistan'gha körsitiwatqan iqtisadiy we herbiy yardimi, asasen térrorchiliq kürishi üchün ishlitilmekte, shunga bu jehettiki yardemni azaytish amérika we pakistanning menpe'etige uyghun kelmeydu" dédi.
Washn'gton da'iriliri yéqinda, pakistan'gha bériliwatqan iqtisadiy yardem sommisini azaytish teshebbusini otturigha qoyghan idi. (Eqide)
Munasiwetlik maqalilar
- Xelq'ara pakistanning siyasiy weziyiti heqqide téz inkas qayturmaqta
- Pakistan kirzis ichide qaldi
- Amérika we en'gliye pakistan prézidénti perwiz musherrepke bésim ishlitishni kücheytti
- Pakistanning herbiy halet élan qilishi xelq'ara jemiyetning diqqitini tartti
- Butto, pakistan armiyisining pinsiyige chiqqan générallirini partlash weqesige jawabkar dep eyiblidi
- Pakistan prézidént saylimi lal meschitining kölenggüside qaldi
- Pakistan hökümiti, 'pakistan xelqi bin ladinning chaqiriqini qollimaydu,' dédi
- Nawaz sherif pakistandin qayturup chiqiriwétildi
- Talibanlar görüge éliwalghan jenubiy koriyiliktin yene sekkizini qoyup berdi
- Taliban görüge élin'ghan koriyilikler mesiliside yéngi söhbet bashlidi