Рабийә қадир америка президенти җорҗ буш вә униң ханими билән көрүшти


2007.06.05

Rabiye-Bush-Rushen-150.jpg
Рабийә қадир ханим вә уйғур амәрика бирләшмисиниң муавин рәиси рушан аббас, амәрика президенти җорҗ буш билән сөһбәттә. Photos are courtesy of UAA / Rushan

Чех җумһурийитидә өткүзүлгән дуня кишилик һоқоқ вә демократийә йиғиниға қатнишиватқан дуня уйғур қурултейи рәиси рабийә қадир ханим, 5 - июн күни шу дөләттә зиярәттә болуватқан америка президенти җорҗ буш вә униң ханими лора буш билән көрүшти.

Бу рабийә қадир ханимниң тунҗи қетим президент буш билән бивастә учришиши һесаблиниду.

Рабийә ханимниң билдүрүшичә, бу наһайити әһмийәтлик учришиш болған болуп , президент буш сөһбәт җәрянида уйғурларниң кишилик һоқоқ мәсилиси һәм демократийә мәсилилири үчүн ярдимини айимайдиғанлиқини билдүргән.

Бушниң ханими лора ханим вашингтонға қайтқанда рабийә ханим билән қайта көрүшүшни халайдиғанлиқини қизғин кәйпиятта билдүргән .

Җорҗ буш германийидә өткүзүлмәкчи болған санаәтләшкән сәккиз дөләт юқири дәриҗилик әмәлдарлириниң33 - нөвәтлик учришишиға қатнишиш сәпиридә чех җумһурийитидә зиярәттә болмақта иди. Дуня уйғур қурултейи рәиси , уйғурларниң мәнивий аниси рабийә қадир ханим америка һөкүмитиниң түрткиси һәмдә америка дипломатлириниң ярдими билән 2005 - йили3 - айда хитай түрмисидин азад қилинип америкидики аилиси билән җәм болған иди.(Гүлчеһрә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.