Президент буш хитайни зиярәт қилиду


2005-11-04
Share

Америка президенти җорҗи буш 11- айниң 19 -күнидин 21 - күнигичә хитайни зиярәт қилиду. Хитай ташқи ишлар министирликиниң пәйшәнбә күни ашкарилишичә, президент буш зиярәт җәрянида хитай дөләт рәиси ху җинтав, баш министир вен җябав қатарлиқ хитай рәһбәрлири билән сөһбәт өткүзидикән.

Әгәр президент бушниң 19 - ноябирда башлинидиған зиярити әмәлгә ашса, бу униң ху җинтав билән 5 - қетим учрушиши болуп қалидикән. Буш илгири 2001 - вә 2002- йиллири хитайни зиярәт қилған. У хитайни зиярәт қилиштин илгири җәнубий корийидә асия - тинч окян иқтисади һәмкарлиқ тәшкилатиниңбашлиқлар йиғиниға иштирак қилиду.

Буш бу қетимлиқ зиярити җәрянда японийә билән моңғолийиниму зиярәт қилидикән. Бу америка прездентиниң моңғолийидики тунҗи зиярити болуп қалғуси.

Көзәткүчиләрниң әскәртишичә, бушниң зиярити хитай билән америкиниң һәрбий вә иқтисади мунасивәтлири җиддиләшкән мәзгилгә тоғра кәлмәктә. Көзәткүчиләр, зиярәт җәрянида тәйвән мәсилиси, кишилик һоқуқ, тибәт, хәлқ пулиниң қиммити вә сода қатарлиқ әнәниви темиларниң музакирә қилинидиғанлиқини билдүрди. Әмма һазирғичә һәр иккила тәрәп зиярәтниң музакирә күнтәртипи тоғрисида тәпсили учур елан қилип бақмиди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт