Prézidént bush xitayni ziyaret qilidu


2005-11-04
Share

Amérika prézidénti jorji bush 11- ayning 19 -künidin 21 - künigiche xitayni ziyaret qilidu. Xitay tashqi ishlar ministirlikining peyshenbe küni ashkarilishiche, prézidént bush ziyaret jeryanida xitay dölet re'isi xu jintaw, bash ministir wén jyabaw qatarliq xitay rehberliri bilen söhbet ötküzidiken.

Eger prézidént bushning 19 - noyabirda bashlinidighan ziyariti emelge ashsa, bu uning xu jintaw bilen 5 - qétim uchrushishi bolup qalidiken. Bush ilgiri 2001 - we 2002- yilliri xitayni ziyaret qilghan. U xitayni ziyaret qilishtin ilgiri jenubiy koriyide asiya - tinch okyan iqtisadi hemkarliq teshkilatiningbashliqlar yighinigha ishtirak qilidu.

Bush bu qétimliq ziyariti jeryanda yaponiye bilen monggholiyinimu ziyaret qilidiken. Bu amérika prézdéntining monggholiyidiki tunji ziyariti bolup qalghusi.

Közetküchilerning eskertishiche, bushning ziyariti xitay bilen amérikining herbiy we iqtisadi munasiwetliri jiddileshken mezgilge toghra kelmekte. Közetküchiler, ziyaret jeryanida teywen mesilisi, kishilik hoquq, tibet, xelq pulining qimmiti we soda qatarliq en'eniwi témilarning muzakire qilinidighanliqini bildürdi. Emma hazirghiche her ikkila terep ziyaretning muzakire küntertipi toghrisida tepsili uchur élan qilip baqmidi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet