Президент буш гу бошйоңни қобул қилип, тәйвән мәсилисидики сияситини тәкитлиди


2006.07.21

Америка президенти җорҗи буш хитай мәркизи һәрбий ишлар комитетиниң муавин рәиси гу бошйоңни ақ сарайда қобул қилип, америка , тәйвән боғузиниң һазирқи мәвҗут һалитини бир тәрәплимилик өзгәртишкә қарши туриду, деди. У, америка -җуңго һәрбий мунасивитини күчәйтиш вә хитайниң шималий корийә мәсилисидә америка билән һәмкарлишишини үмид қилған.

Икки тәрәп сөһбити 10минут давам қилди. Гу бошйоң әсли ақ сарайға америка президентиниң дөләт хәвпсизлик мәслиһәтчиси стипан хардлейниң тәклипи бойичә барди. У, хардлей билән сөһбәт елип бериватқанда президент буш сөһбәт мәйданиға гу бошйоң билән көрүшүп қоюш үчүн киргән.

Гу бошйоң, йеқинқи 5 - 6 йилдин бери америкини зиярәт қилған хитайниң әң юқири дәриҗилик һәрбий рәһбири. У һәрбий ишлар комитетида ху җинтавдин кейин туридиған 2 номурлуқ шәхс. Президент буш гу бошйоңға америкиниң "җуңго - америка 3 қошма ахбаратиға һөрмәт қилиш вә бир җуңго сиясити өзгәрмиди," дәп тәкитлигән.

Гу бошйоң стипан хардлейдин америка - тәйвән мунасивитиниң дәриҗисини өстүрмәслик, тәйвәнгә қорал ‏- ярақ сетип бәрмәсликни тәләп қилған. Бу арида хитай дөләт мудапиә министирлиқи, җуңго билән америкиниң бу йил ичидә һавайда бирләшмә қутқузуш манивери өткүзүшкә қошулғанлиқини елан қилди.

Хитай һәрбий даирилириниң әскәртишичә, деңиз үстидә бирләшмә қутқузуш маниверини хитай деңиз армийисиниң бир пилоти бу йил 9 - айда америкини зиярәт қилғанда америкиниң ғәрбий деңиз саһили яки һавайда өткүзмәкчи икән. Хитай тәрәпниң зияритидин кейин мушу йил ичидә америкиниң бир деңиз армийә пилоти хитайни зиярәт қилмақчи. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.