پرېزىدېنت بۇش خىتاي ئارمىيىسىنىڭ كۈچىيىشىدىن ئەندىشىلىنىۋاتقانلىقىنى بىلدۈردى


2007-09-01
Share

ئامېرىكا پرېزىدېنتى جۇرج بۇش، ئاۋسترالىيە زىيارىتى ھارپىسىدا، ئاۋسترالىيىنىڭ سىكاي خەۋەر تېلېۋىزىيىسى بىلەن ئۆتكۈزگەن سۆھبىتىدە": ئەگەر خىتاي ئارمىيىسى دۈشمەن پوزىتسىيىسىگە كىرسە، خىتاي ئارمىيىسى مىنىڭ ئۈچۈن ئەندىشە قىلىدىغان بىر مەسىلىگە ئايلىنىدۇ" دېگەن.

پرېزىدېنت بۇش، سىكاي تېلېۋىزىيىسىدە جۈمە كۈنىدىكى سۆھبىتىدە،" مىنىڭ پەرەز قىلىشىمچە خىتاي، دۆلەت ئىچىدە دىققىتىنى ئىقتىسادىي تەرەققىياتقا، دۆلەت سىرتىدا دىققىتىنى ئاساسەن خام ئەشيا ئىھتىياجىنى قامداش ئىشغا بەرگەن، لېكىن ئەگەر ئۇلار دۈشمەن پوزىتسىيىسىگە كىرسە، خىتاي ئارمىيىسى مىنىڭ ئۈچۈن ئەندىشە قىلىدىغان بىر مەسىلىگە ئايلىنىدۇ" دېگەن.

پرېزىدېنت بۇش، ئاسىيا-تىنچ ئوكيان رايونى دۆلەت رەھبەرلىرىنىڭ يېغىنىغا قاتنىشىش ئۈچۈن، ئاۋسترالىيىگە بارماقچى.

ئامېرىكا بىرلەشمە ئاگېنتلىقىنىڭ خەۋەر قىلىشىچە، پرېزىدېنت بۇش سۆھبەتتە ئامېرىكا ھۆكۈمىتىنىڭ، خىتاي مەسىلسىگە كۆپ ۋاقىت ئاجرىتىۋاتقانلىقىنى ۋە ۋاشنگتوننىڭ ئاسىيا قىتئەسىدىكى ئىككى رەقىب دۆلەت بولغان خىتاي بىلەن ياپونىيە ياخشى مۇناسىۋەتلەرگە ئىگە ئىكەنلىكىنى تەكىتلىگەن ھەمدە ئاسىيا قىتئەسىدىكى كونا توقۇنۇشلارنىڭ قايتىدىن ئوتتۇرىغا چىقىشىنىڭ ئالدىنى ئېلىش ئۈچۈن ئامېرىكىنىڭ ئاسىيا قىتئەسىدە مەۋجۇت بولۇپ تۇرۇشى مۇھىم ئىكەنلىكىنى ئەسكەرتكەن.

پرېزىدېنت بۇش شۇنداقلا ئافغانىستاندىن ھەربىي قىسىملىرىنى چىكىندۈرۈشنى پىلانلاۋاتقان دۆلەتلەرنى بۇ مەسىلسىنى قايتىدىن ئويلىنىشقا چاقىرىپ، "ئامېرىكىنىڭ ئىراققا ھەربىي قىسىملىرىنى ئەۋەتكەن پۈتۈن ئىتتىپاقداش دۆلەتلەرگە ئېھتىياجى بار" دېگەن. (ئۆمەر قانات)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت