Хитай чайлири сүпәт өлчимигә тошмиғанлиқтин базирини йоқатмақта


2006.04.27

Йеқинда хитай йәрлик мәһсулатлири импорт-екиспорт сода кеңишиниң елан қилишиға қариғанда, хитай екиспорт қилидиған чайларниң икки чоң базири болған японийә һәмдә яврупа иттипақи, хитайдин киргүзүлидиған чайларда химийилик тәркибләрниң өлчәмдин юқири икәнликини көрситип, хитайниң екиспорт қилидиған чай мәһсулатлириниң сүпитини қаттиқ тәкшүрүп яхшилаш үчүн -5 айдин -8айғичә үч ай вақит бәргән.

Хитай чайлирида көрүлүватқан сүпәт мәсилиси түпәйли һәтта йеқин арида японийә һәмдә яврупа иттипақидин ибарәт икки чоң базардин айрилип қелиш еһтимали бар икән.

Бир қанчә күн илгири ечилған шиняң чай мәдәнийити байримида,чай мәһсулатлири саһәсидики кишиләр,хитайниң чай мәһсулатлириниң көп қетим мушундақ агаһландурушқа учриғанлиқини әгәрдә хитайда ишлиниватқан чайларниң сүпитини көтүрүш үчүн һәркәт қилмиғанда хәлқара базардики инавитини9 йоқитипла қалмай һәтта дөләт ичидиму базардин айрилип қалидиғанлиқини тәкитлигән.

Хитай дуня бойичә икки чоң чай ишләпчиқириш базисиниң бири һәмдә хәлқарадики өч чоң чай екиспорт қилидиған дөләтниң бири, әмма хитайниң завутлирида пишшиқлап ишләнгән чайларниң сүпитидә изчил мәсилиләр көрүлмәктә. Буниңдин хәлқра базардила инкаслар мәвҗут болупла қалмай, хитай ичидиму хәлқниң наразилиқини қозғиған.

Уйғур елидиму шу сәвәблик хитай завутлирида ишләнгән чайларниң кесәл пәйда қилидиғанлиқиға охшаш әндишиләр пәйда болуп, хәлқ уйғур елида яки чәтәлләрдә пишшиқлап ишләнгән чайларни истимал қилидиған болуп қалған.(Гүлчеһрә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.