Xitay chayliri süpet ölchimige toshmighanliqtin bazirini yoqatmaqta


2006-04-27
Share

Yéqinda xitay yerlik mehsulatliri import-ékisport soda kéngishining élan qilishigha qarighanda, xitay ékisport qilidighan chaylarning ikki chong baziri bolghan yaponiye hemde yawrupa ittipaqi, xitaydin kirgüzülidighan chaylarda ximiyilik terkiblerning ölchemdin yuqiri ikenlikini körsitip, xitayning ékisport qilidighan chay mehsulatlirining süpitini qattiq tekshürüp yaxshilash üchün -5 aydin -8ayghiche üch ay waqit bergen.

Xitay chaylirida körülüwatqan süpet mesilisi tüpeyli hetta yéqin arida yaponiye hemde yawrupa ittipaqidin ibaret ikki chong bazardin ayrilip qélish éhtimali bar iken.

Bir qanche kün ilgiri échilghan shinyang chay medeniyiti bayrimida,chay mehsulatliri sahesidiki kishiler,xitayning chay mehsulatlirining köp qétim mushundaq agahlandurushqa uchrighanliqini egerde xitayda ishliniwatqan chaylarning süpitini kötürüsh üchün herket qilmighanda xelqara bazardiki inawitini9 yoqitipla qalmay hetta dölet ichidimu bazardin ayrilip qalidighanliqini tekitligen.

Xitay dunya boyiche ikki chong chay ishlepchiqirish bazisining biri hemde xelqaradiki öch chong chay ékisport qilidighan döletning biri, emma xitayning zawutlirida pishshiqlap ishlen'gen chaylarning süpitide izchil mesililer körülmekte. Buningdin xelqra bazardila inkaslar mewjut bolupla qalmay, xitay ichidimu xelqning naraziliqini qozghighan.

Uyghur élidimu shu seweblik xitay zawutlirida ishlen'gen chaylarning késel peyda qilidighanliqigha oxshash endishiler peyda bolup, xelq Uyghur élida yaki chet'ellerde pishshiqlap ishlen'gen chaylarni istimal qilidighan bolup qalghan.(Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet