چېچىنىيەدە پرىزدېنت سايلىمى ئۆتكۈزىلدى


2004-08-29
Share

چېچېنىيەلىكلەر يەكشەنبە كۈنى بۇ يىل 5 - ئايدا سۈيقەست بىلەن ئۆلتۈرىلگەن چېچېنىيەنىڭ سابىق موسكۋاپەرەس پرىزدېنتى ئەخمەت قادىروپنىڭ ئورنىغا يېڭى پرىزدېنت سايلاش ئۈچۈن بىلەت تاشلىدى .

نامزاتلار ئىچىدىكى چېچېنىيە ئىچكىي ئىشلار مىنىستىرى ئالۇ ئالقانوپ ، كرىملېن سارىيى چېچېنىيەگە پرىزدېنت قىلىپ تىكلەشنى خالايدىغان كۆڭۈلدىكىدەك نامزاتى دەپ قارالماقتا . چېچېنىيەدىكى قارشىلىق كۆرسىتىش كۈچلىرىنىڭ سايلامنى ھۇجۇم نىشانىغا ئېلىشىدىن ئەنسىرىگەن دائىرىلەر ، چېچېنىيەنىڭ ھەر قايسى جايلىرىدىكى بىخەتەرلىك تەدبىرلىرىنى ئالاھىدە كۈچەيتىپ ، 14 مىڭ كىشىلىك ھەربىي ۋە ساقچى قىسىملارنى سەپەرۋەر قىلغان .بىلەت ساندۇقى شۇ يەرنىڭ ۋاقتى بىلەن يەكشەنبە كۈنى ئەتىگەن ساەت 8:00 لەردە ئېچىلغان ، سايلامنىڭ نەتىجىسى دۈشەنبە كۈنى كەچلەر بىلەن مەلۇم بولۇشى مۈمكىن .شۇ كۈنى بىلەت تاشلىغىنى كەلگەن بىر ئادەم يېنىدىكى بومبىنىڭ پارتلاپ كېتىشى نەتىجىسىدە ئۆلگەن .

ئىلگىرىكى بەش رەھبىرىنىڭ تۆتى سۇيقەست بىلەن ئۆلتۈرۈلگەن چېچېنىيە پرىزدېنتلىقى ، دۇنيادىكى ئەڭ خەتەرلىك خىزمەت دەپ قارىلىدۇ . موسكۋانىڭ قوللىشىدىكى چېچېنىيە ئىچكىي ئىشلار مىنىستىرى ئالقانوپنىڭ سايلامدا غەلىبە قىلىدىغانلىقىغا ئىشەنچ بىلەن قارالماقتا . پرىزدېنت نامزاتلېرىنىڭ يەنە بىرى بۇ يىل 5 - ئايدا سۇيقەست بىلەن ب ئۆلتۈرىلگەن سابىق چېچېنىيە پرىزدېنتى ئەخمەت قادىروپنىڭ ئوغلى مودى قادىروپ . بۇ قېتىمقى سايلام ، روسىيە ھاۋا يوللىرىنىڭ ئىككى ئايرۇپىلانى جەنۇبىي روسىيەدە چۈشۈپ كېتىش ۋەقەسىنىڭ كۆلەڭگىسى ئاستىدا ئېلىپ بېرىلدى . روسىيە دائىرىلىرى ئايرۇپىلان خارابىلىقىدىن پارتلاتقۇچ بۇيۇملار بايقالغانلىقىنى ، ئايرۇپىلاندىكى ئىككى چېچەن ئايال ئۈستىدىن تەكشۈرىش ئېلىپ بېرىۋاتقانلىنى جاكالىغان . (ئەركىن)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت