Чечинийәдә приздент сайлими өткүзилди


2004.08.29

Чеченийәликләр йәкшәнбә күни бу йил 5 - айда сүйқәст билән өлтүрилгән чеченийәниң сабиқ москвапәрәс призденти әхмәт қадиропниң орниға йеңи приздент сайлаш үчүн биләт ташлиди .

Намзатлар ичидики чеченийә ичкий ишлар министири алу алқаноп , кримлен сарийи чеченийәгә приздент қилип тикләшни халайдиған көңүлдикидәк намзати дәп қаралмақта . Чеченийәдики қаршилиқ көрситиш күчлириниң сайламни һуҗум нишаниға елишидин әнсиригән даириләр , чеченийәниң һәр қайси җайлиридики бихәтәрлик тәдбирлирини алаһидә күчәйтип , 14 миң кишилик һәрбий вә сақчи қисимларни сәпәрвәр қилған .Биләт сандуқи шу йәрниң вақти билән йәкшәнбә күни әтигән саәт 8:00 ләрдә ечилған , сайламниң нәтиҗиси дүшәнбә күни кәчләр билән мәлум болуши мүмкин .Шу күни биләт ташлиғини кәлгән бир адәм йенидики бомбиниң партлап кетиши нәтиҗисидә өлгән .

Илгирики бәш рәһбириниң төти суйқәст билән өлтүрүлгән чеченийә приздентлиқи , дунядики әң хәтәрлик хизмәт дәп қарилиду . Москваниң қоллишидики чеченийә ичкий ишлар министири алқанопниң сайламда ғәлибә қилидиғанлиқиға ишәнч билән қаралмақта . Приздент намзатлериниң йәнә бири бу йил 5 - айда суйқәст билән б өлтүрилгән сабиқ чеченийә призденти әхмәт қадиропниң оғли моди қадироп . Бу қетимқи сайлам , росийә һава йоллириниң икки айрупилани җәнубий росийәдә чүшүп кетиш вәқәсиниң көләңгиси астида елип берилди . Росийә даирилири айрупилан харабилиқидин партлатқуч буюмлар байқалғанлиқини , айрупиландики икки чечән аял үстидин тәкшүриш елип бериватқанлини җакалиған . (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.