Chéchiniyede prizdént saylimi ötküzildi


2004.08.29

Chéchéniyelikler yekshenbe küni bu yil 5 - ayda süyqest bilen öltürilgen chéchéniyening sabiq moskwaperes prizdénti exmet qadiropning ornigha yéngi prizdént saylash üchün bilet tashlidi .

Namzatlar ichidiki chéchéniye ichkiy ishlar ministiri alu alqanop , krimlén sariyi chéchéniyege prizdént qilip tikleshni xalaydighan köngüldikidek namzati dep qaralmaqta . Chéchéniyediki qarshiliq körsitish küchlirining saylamni hujum nishanigha élishidin ensirigen da'iriler , chéchéniyening her qaysi jayliridiki bixeterlik tedbirlirini alahide kücheytip , 14 ming kishilik herbiy we saqchi qisimlarni seperwer qilghan .Bilet sanduqi shu yerning waqti bilen yekshenbe küni etigen sa'et 8:00 lerde échilghan , saylamning netijisi düshenbe küni kechler bilen melum bolushi mümkin .Shu küni bilet tashlighini kelgen bir adem yénidiki bombining partlap kétishi netijiside ölgen .

Ilgiriki besh rehbirining töti suyqest bilen öltürülgen chéchéniye prizdéntliqi , dunyadiki eng xeterlik xizmet dep qarilidu . Moskwaning qollishidiki chéchéniye ichkiy ishlar ministiri alqanopning saylamda ghelibe qilidighanliqigha ishench bilen qaralmaqta . Prizdént namzatlérining yene biri bu yil 5 - ayda suyqest bilen b öltürilgen sabiq chéchéniye prizdénti exmet qadiropning oghli modi qadirop . Bu qétimqi saylam , rosiye hawa yollirining ikki ayrupilani jenubiy rosiyede chüshüp kétish weqesining kölenggisi astida élip bérildi . Rosiye da'iriliri ayrupilan xarabiliqidin partlatquch buyumlar bayqalghanliqini , ayrupilandiki ikki chéchen ayal üstidin tekshürish élip bériwatqanlini jakalighan . (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.