Қораллиқ кишиләр русийәдики бир мәктәпни игиливалди

Русийәниң чечәнистанға йеқин районида 17 нәпәр қораллиқ киши бир мәктәпни ишғал қилип, бу йәрдики 200 гә йеқин оқуғучини гөрәгә алди.

Америка бирләшмә ахбарат агентлиқиниң мәлум қилишичә, бу қораллиқ кишиләр билән гөрәгә елинғанғанларни қутқузушқа урунған русийә сақчилири оттурисда тоқунуш йүз берип, аз дигәндә икки киши қаза тапқан вә 9 киши яриланған.

Өзлиригә бомба теңип киргән бу қораллиқ кишиләр һөкүмәт билән сөһбәтлишишни тәләп қилған. Һәмдә улар мәктәп әтрапиға бомба көмүп қойғанлиқи һәққидә тәһдид селип, әгәр русийә сақчилири мәктәпкә киришкә урунса, пүтүн мәктәпни партлитиветидиғанлиқини агаһландурған.

Русийә презденти виладимир путин бу мунасивәт билән қара деңиздики дәм елишини балдур ахирлаштуруп москваға қайтип келип, мунасивәтлик даириләр билән оқуғучиларни қандақ қутқузуш үстидә музакирә қилмақта. (Пәридә)