Qoralliq kishiler rusiyediki bir mektepni igiliwaldi
2004.09.01
Rusiyening chéchenistan'gha yéqin rayonida 17 neper qoralliq kishi bir mektepni ishghal qilip, bu yerdiki 200 ge yéqin oqughuchini görege aldi.
Amérika birleshme axbarat agéntliqining melum qilishiche, bu qoralliq kishiler bilen görege élin'ghan'ghanlarni qutquzushqa urun'ghan rusiye saqchiliri otturisda toqunush yüz bérip, az digende ikki kishi qaza tapqan we 9 kishi yarilan'ghan.
Özlirige bomba téngip kirgen bu qoralliq kishiler hökümet bilen söhbetlishishni telep qilghan. Hemde ular mektep etrapigha bomba kömüp qoyghanliqi heqqide tehdid sélip, eger rusiye saqchiliri mektepke kirishke urunsa, pütün mektepni partlitiwétidighanliqini agahlandurghan.
Rusiye prézdénti wiladimir putin bu munasiwet bilen qara déngizdiki dem élishini baldur axirlashturup moskwagha qaytip kélip, munasiwetlik da'iriler bilen oqughuchilarni qandaq qutquzush üstide muzakire qilmaqta. (Peride)