Shamil basayéf , béslan paji'esige jawabkar ikenlikini étirap qildi


2004-09-17
Share

Chéchen qarshiliq körsitish küchlirining rehbiri shamil basayéf, jenubiy ositiyediki ottura mektepni görüge élish herikitining özi teripidin uyushturulghanliqini élan qildi.

Jenubiy ositiyening béslan shehiridiki shu qétimqi weqede ösmürlerni öz ichige alghan 320 dek adem ölgen. Shamil basayéf, chéchen qarshiliq körsitish küchlirini qollaydighan "kawkaz merkizi" namliq tor bétide rusiye prizdéntige ochuq xet élan qilip, béslandiki görüge élish herikiti, moskwa yer asti poyizidiki partlash weqesi, shundaqla rusiye hawa yollirining ikki yoluchilar ayropilani chüshüp kétish weqelirini özliri uyushturghanliqini étirap qilghan. U, rosiye prizdéntini qoralliq qisimlargha béslandiki ottura mektepke hujum qilish buyruqi chüshürüp, yuqiriqi paji'ening kélip chiqishigha sewebchi boldi dep eyibligen.

Béslandiki weqedin kéyin rosiye hökümiti shamil basayéf bilen aslan mashadofni tutup bergenlerge 10 milyon dollar mukapat béridighanliqini jakarlighan idi. Biraq aslan mashadof, béslandiki görüge élish weqesi bilen munasiwiti yoqliqini élan qilghan. Basayéf béslandiki görüge élish herikiti öz qomandanliqidiki shéhitler bataliyoni dep atalghan qisimlar teripidin élip bérilghanliqini bildürgen . Bu arida amérika tashqi ishlar ministirlikining yardemchi tashqi ishlar ministiri richard armitej , eger shamil basayéf 330 din artuq ademning ölüshini keltürüp chiqarghan rusiye ottura mektipidiki qirghinchiliqqa mes'ul bolsa uning hayat - mamatining ehmiyiti tügeydu dep körsetti. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet