Chéchenistan pida'iliri musteqilliq kürishini téximu kücheytidighanliqini jakarlidi


2005.03.09
Share on WhatsApp
Share on WhatsApp

Chéchenistan pida'ilirining rehbiri arslan meshedof rusiye da'iriliri teripidin öltürülgendin kéyin, chéchenistan pida'iliri charshenbe küni arslan meshedofning wapati bedilige rusiyige qarshi musteqilliq küreshlirini téximu kücheytidighanliqini jakarlidi.

Rusiyining fédéral bixeterlik idarisi seyshenbe küni arslan meshedofning, ular tolstoy yurt shehiride élip barghan alahide herbiy herikitide öltürülgenlikini jakarlap, buning rusiyining térrorchiliqqa qarshi urushta toghra yolni bésiwatqanliqini namayen qilidighanliqini éytqan idi.

Rusiye da'irlirining melum qilishiche, rusiye alahide etriti seyshenbe küni meshedof yoshurun'ghan öyge bösüp kirip, öyning igisi yeni meshedofning yiraq tuqqinini tutup chiqqan hemde uningdin meshedofning qeyerdilikini sorighinida, u kishi qarshilashmastinla meshedofning yer asti öyide ikenlikini éytqan.

Rusiye wekili meshedof bilen birer sa'etche söhbetleshken bolsimu, emma arslan meshedof teslim bolushni ret qilghan. Andin rusiye alahide etriti meshedof turushluq jaygha 4 dane giranat tashlighan.

Amérika axbarat agéntliqining xewirige qarighanda, tolstoy yurt shehiridiki ahaliler weqe yüz bergende bosh partlash awazini anglighanliqini hemde meshedofning partlashta ölgenlikige guman bilen qaraydighanliqini bildürdi. Chünki, meshedofning jesitide partlashqa uchrighandek zexminilishler körülmigen.

Arslan meshedofning londonda turushluq wekili exmed zakayéf charshenbe küni meshedofning heqiqeten qaza qilghanliqini éniqlap, meshedof hayat bolsun yaki bolmisun, ularning rusiyige qarshi musteqilliq kürishide héchqandaq özgirish bolmaydighanliqini jakarlidi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet