Nazran shehiride namayishchilar bilen saqchilar otturisida toqunush yüz berdi
2008.01.26

Shenbe küni, rusiye fédératsiyisi ichidiki musulman jumhuriyetlerning béri bolghan, inggushitiye jumhuriyitining paytexti nazran shehiride, hökümetke qarshi naraziliq namayishi élip barghan inggush yashliri bilen rus bixeterlik qisimliri otturisida yüz bergen toqunushlarda az dégende bir namayishchi yarilan'ghan we 40 kishi saqchilar teripidin qolgha élin'ghan.
Xewerlerge qarighanda, saqchilar, nazran shehrining merkizide toplinip, rusiye prézidéntining ittipaqdishi hésablan'ghan, inggushitiye jumhuriyitining prézidénti murat ziyazikof hökümitige qarshi, shu'ar towlashqa bashlighan namayishchilarni urup, ularni oqqa tutqan. Namayishchilar bolsa, nazran shehiridiki bir mihmanxana we yerlik hökümetning kontrolliqidiki bir gézitxana binasigha ot qoyup bergen.
Siyasiy mulahizichiler, rus bixeterlik qisimlirining bu herikiti, rusiye fédératsiyisi terkibidiki namrat musulman jumhuriyetlerning biri hésablan'ghan, inggushitiyidiki weziyetni téximu jiddiyleshtürüdighanliqini bildürmekte. Inggushitiye, chichenistan'gha qoshna bolup, inggush xelqi til we medeniyet jehettin chéchen xelqi bilen yéqin munasiwetlerge ige. Chéchenistan urushi jeryanida nechche on minglighan chéchen, inggushitiyide panahlan'ghan we ularning bir qisimi hélimu inggushitiyide yashimaqta. Ruslarning chéchenistanda élip barghan herbiy herikiti, chéchenlerge yéqin hésdashliq bildürgen inggush xelqi ichide chongqur tesir qaldurghan hemde yéqinqi yillardin béri xelqining, rusiye prézidénti putinning ittipaqdishi hemde putin'gha oxshashla sabiq rus razwétka xadimi bolghan, inggushitiye prézidénti ziyazikof hökümitige qarshi naraziliqi kücheymekte idi.
Inggushitiye bixeterlik qisimliri jüme küni, prézidént murat ziyazikofning buyruqi bilen, 500 ming nopusqa ige inggushitiyide keng kölemlik bir tazilash herikiti bashlatqan. (Ömer qanat)
Munasiwetlik maqalilar
- Afghanistan, iranni eyiblidi
- Afghanistanda 20 taliban militanti öltürüldi
- Afghanistandiki toqunushlarda onlighan taliban militanti öltürüldi
- Amérika armiyisi afghanistanda 80 neper taliban qoralliq unsurini öltürdi
- Kabuldiki özini öltürüwélish xaraktérlik hujumda 1 amérika eskiri we 5 afghan puqrasi öldi
- Talibanlar bilen jenubiy koriye hökümet xadimliri otturisidiki söhbet dawamlashmaqta
- Talibanlar görüge élin'ghan ikki neper jenubiy koriyilik ayalni qoyup bergenlikini bildürmekte
- Talibanlar görüge élin'ghan koriyilikler mesilisi üstide koriye hökümiti bilen söhbetleshmekchi
- Talibanlar görüge élin'ghan yene bir koriyilikning öltürülgenlikini ashkarilidi
- Talibanlar görüge élin'ghan koriyiliklerni qoyup béridighanliqini bildürdi
- Afghanistanda 45 puqra hawa hujumi tüpeylidin öldi
- Iraq we afghanistanlarda yüz bériwatqan toqunushlar dawamlashmaqta