Xitay, chéchen musteqilchilirining rehbiri meshedofning ölimini qarshi aldi
2005.03.10
Xitay tashqi ishlar ministirliqi peyshenbe küni bayanat élan qilip, rusiyining chéchen musteqilchilirining rehbiri arslan meshedofni öltürgenlikini qarshi aldi.
Xitay tashqi ishlar minsitirliqi bayanatida, "biz rusiye hökümitining dölet muqimliqini saqlash we térrorchilarni basturush yolidiki barliq tirishchanliqini qet'iy qollaymiz" dédi.
Chéchen musteqilchilirining rehbiri arslan meshedofning, seyshenbe küni rusiye armiyisining chéchen paytexti girozni etrapidiki bir kentte élip barghan herbiy herikitide öltürülgenliki xewer qilin'ghan idi. Rusiye da'iriliri uning jesitini a'ile- tawabatlirigha tapshurup bérishni ret qilmaqta.
Fransiye axbarat agéntliqining bildürüshiche, xitay bilen rusiye oxshashla dölet ichidiki musteqilliq mesililirige düch kelgechke, 2000 - yili kélishim maqullap, chéchen we Uyghur musteqilchilirini ortaq basturushqa kélishken.
Chéchen musteqilchilirining mötidil éqimdiki rehbiri dep qaralghan arslan meshedofning ölimi heqqide amérika we polsha hökümitimu oxshash bolmighan inkaslarni qayturghan. (Arzu)
Munasiwetlik maqalilar
- Chéchenistan pida'iliri musteqilliq kürishini téximu kücheytidighanliqini jakarlidi
- Rusiye, chéchenistan pida'iylirining rehbiri arslan meshedofni öltürgenlikini bildürdi
- Rosiye we xitay, ikki dölet otturisida bixeterlik meslihetlishish méxanizmi quridighanliqini jakarlidi
- Rusiyining yukos shirkitini xitaylar sétiwalghan bolushi mumkin
- Rusiye dölet mudapi'e minisitiri xitayni ziyaret qildi
- Rosiye, b d t gha térrorizm bilen baghlinishi bolghan siyasi panalan'ghuchilarni qayturush teklipi sundi