Чеграсиз мухбирлар тәшкилати б д т ниң хитайни кишилик һоқуқ вәзийитини баһалашқа қатнаштурғанлиқини әйиплиди


2005-02-06
Share

Баш шитаби париждики чеграсиз мухбирлар тәшкилати йеқинда баянат елан қилип, бирләшкән дөләтләр тәшкилатиниң хитай, куба вә зимбабувиларниң дунядики кишилик һоқуқ вәзийитини баһалаш ишлириға қатнаштуридиғанлиқини қаттиқ әйиплиди.

Чеграсиз мухбирлар тәшкилати баянатида, "биз б д т ниң хитай, куба вә зимбабувиларни бу йил б д т кишилик һоқуқ йиғинида музакирә қилинидиған вәқәләрни бекитишкә таллиғанлиқидин интайин әпсусландуқ. Интайин ениқки, дуня әһли бу йил мәзкур үч дөләттә йүз бәргән кишилик һоқуқ дәпсәндичиликлирини аңлиялмайду", деди.

Мәзкур тәшкилат йәнә, б д т ниң немә үчүн кишилик һоқуққа еғир дәриҗидә хилаплиқ қилип келиватқан бу үч дөләткә бу йилқи кишилик һоқуқ йиғинида йитәкчилик орун бәргинини чүшүнүп йитәлмигәнликини көрсәтти.

Чеграсиз мухбирлар тәшкилатиниң билдүрүшичә, хитай, куба, зимбабуви, вингирийә вә полша билән бирлишип хизмәт гурупписи тәшкилләп, бу йил 3 - айниң оттурилири җәнвәдә ечилидиған б д т кишилик һоқуқ йиғиниға қайси кишилик һоқуқ дәпсәндичилик дилолириниң сунулидиғанлиқини бикитидикән. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт