Chégrasiz muxbirlar teshkilati b d t ning xitayni kishilik hoquq weziyitini bahalashqa qatnashturghanliqini eyiplidi

Bash shitabi parizhdiki chégrasiz muxbirlar teshkilati yéqinda bayanat élan qilip, birleshken döletler teshkilatining xitay, kuba we zimbabuwilarning dunyadiki kishilik hoquq weziyitini bahalash ishlirigha qatnashturidighanliqini qattiq eyiplidi.

Chégrasiz muxbirlar teshkilati bayanatida, "biz b d t ning xitay, kuba we zimbabuwilarni bu yil b d t kishilik hoquq yighinida muzakire qilinidighan weqelerni békitishke tallighanliqidin intayin epsuslanduq. Intayin éniqki, dunya ehli bu yil mezkur üch dölette yüz bergen kishilik hoquq depsendichiliklirini angliyalmaydu", dédi.

Mezkur teshkilat yene, b d t ning néme üchün kishilik hoquqqa éghir derijide xilapliq qilip kéliwatqan bu üch döletke bu yilqi kishilik hoquq yighinida yitekchilik orun berginini chüshünüp yitelmigenlikini körsetti.

Chégrasiz muxbirlar teshkilatining bildürüshiche, xitay, kuba, zimbabuwi, win'giriye we polsha bilen birliship xizmet guruppisi teshkillep, bu yil 3 - ayning otturiliri jenwede échilidighan b d t kishilik hoquq yighinigha qaysi kishilik hoquq depsendichilik dilolirining sunulidighanliqini bikitidiken. (Arzu)