Chégrisiz muxbirlar teshkilati shiraktin kishilik hoquqni tekitleshni telep qildi


2006.10.27
Share on WhatsApp
Share on WhatsApp

Merkizi parizhdiki xelq'ara chégrisiz muxbirlar teshkilati xitayni ziyaret qiliwatqan fransiye prézidénti jak shiraktin xitay rehberliri bilen sözleshkende kishilik hoquq mesilisini tekitleshni, bolupmu söz erkinlikini alahide otturigha qoyushni telep qildi.

Chégrisiz muxbirlar teshkilati aldinqi küni élan qilghan bayanatta, xitay hökümiti yéqinqi bir qanche aydin béri teshwiqat we jama'et xewpsizlik organlirini ishqa sélip, axbarat xadimlirini, intérnét we chet'el metbu'atlirini kontrol qilishni kücheytmekte," dep tekitligen.

Prézidént shirak bu sepiride peyshenbe küni xitay dölet re'isi xu jintaw bilen körüshti we shu küni fransiye Airbus shirkiti xitay bilen 10 milyard dollarliq soda toxtamnamisi imzalap, xitaygha 150 dane ayrupilan yasap bérishke kélishti. A'irbus shirkiti xitayda ayrupilan qurashturush séxi qurushqa maqul bolghan.

Shirak, jüme küni wuxenni ziyaret qilghanda fransiye xitay bilen "téximu zor hemkarliqlar élip bérishke teyyar," didi. Shirak, peyshenbe küni xu jintaw bilen körüshkende soda, yadro tehditi we kishilik hoquq mesililirini muzakire qilghan.

Fransiye tashqi ishlar ministirliqi bayanatchisining eskertishiche, shirak xitay rehberlirige"fransiye yawropa ittipaqini xitaygha qaritilghan qoral - yaraqlar imbargosini bikar qilishqa heydekchilik qilidu," dep tekitligen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.