Канада һөкүмити хитай ширкитиниң канада дөләт байриқи изникини ишләпчиқиришини чәклиди


2005.02.06
Share on WhatsApp
Share on WhatsApp

Канада һөкүмити алдинқи күни баянат елан қилип, бир хитай ширкити билән түзгән канада үчүн дөләт байриқи изникини ишләпчиқириш һәққидики тохтамни бикар қилди.

Канада федерал һөкүмитиниң аммиви ишлар министири җүмә күни елан қилған язма баянатида, "дөләт байриқи шу дөләтниң ғурури вә мәдәнийәт әнәниси билән мунасивәтлик муһим мәсилә. Уни чәтәл ширкәтлирини ишләпчиқарса болмайду" дигән.

Канада һөкүмити илгири бир хитай ширкити билән тохтам түзүп, униңға канаданиң дөләт байриқи чүшүрүлгән изнәк ишчиқиришни вакаләт қилған. Бирақ, канададики солчилар гуруһи болған йеңи демократийә партийиси канада һөкүмитини бу мәсилидә қаттиқ әйиблигән. Йеңи демократийә партийиси хитайниң кишилик һоқуқ хатирисиниң начарлиқини тәкитләп, бундақ дөләтниң канада дөләт байриқи изникини ишләпчиқиришқа лайиқ әмәсликини көрсәткән.

Йеңи демократийә партийисиниң қаттиқ бесими астида, канада һөкүмити хитай ширкити билән түзгән тохтамни бикар қилди. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт