Kanada hökümiti xitay shirkitining kanada dölet bayriqi iznikini ishlepchiqirishini cheklidi

Kanada hökümiti aldinqi küni bayanat élan qilip, bir xitay shirkiti bilen tüzgen kanada üchün dölet bayriqi iznikini ishlepchiqirish heqqidiki toxtamni bikar qildi.

Kanada fédéral hökümitining ammiwi ishlar ministiri jüme küni élan qilghan yazma bayanatida, "dölet bayriqi shu döletning ghururi we medeniyet en'enisi bilen munasiwetlik muhim mesile. Uni chet'el shirketlirini ishlepchiqarsa bolmaydu" digen.

Kanada hökümiti ilgiri bir xitay shirkiti bilen toxtam tüzüp, uninggha kanadaning dölet bayriqi chüshürülgen iznek ishchiqirishni wakalet qilghan. Biraq, kanadadiki solchilar guruhi bolghan yéngi démokratiye partiyisi kanada hökümitini bu mesilide qattiq eyibligen. Yéngi démokratiye partiyisi xitayning kishilik hoquq xatirisining nacharliqini tekitlep, bundaq döletning kanada dölet bayriqi iznikini ishlepchiqirishqa layiq emeslikini körsetken.

Yéngi démokratiye partiyisining qattiq bésimi astida, kanada hökümiti xitay shirkiti bilen tüzgen toxtamni bikar qildi. (Arzu)