Amérika hindonéziyige qaratqan qoral cheklimisini bikar qildi

Amérika hökümiti seyshenbe küni hindonéziyining démokratik tüzümining zor ilgirleshlerni hasil qilghanliqini tekitlep, shu seweptin amérikining hindonoziyige qaratqan qoral cheklimisini bikar qilidighanliqini bildürdi. Hindonéziye prézidénti amérikining bu qararini qizghin qarshi alidighanliqini ipadilidi.

Hindonoziye 1992- yili sherqiy timorda 200 din oshuq namayishchini étip tashlighanliqi sewebidin, amérika hökümiti derhal hindonoziye bilen bolghan herbiy alaqini üzgen idi. Nöwette bir qisim kishilik hoquq teshkilatliri amérikining bu yéngi qararigha narazi bolup, hindonoziye armiyisining kishilik hoquq xatirisining yenila kishini qayil qilarliq emeslikini tekitlimekte.

Amérika tashqi ishlar ministirliqining bayanatchisi shyon makkormak bu heqtiki bayanatida, "islam dunyasida, hindonoziye bir mulayim awazgha wekillik qilidu" dep bildürdi. Hazir analizchilar amérika hökümitining hindonoziye bilen bolghan herbiy alaqini eslige keltürüshining asasliqi, amérikining sherqiy jenubiy asiyadiki tesirini kücheytip, xitayning bu rayondiki iqtisadiy we stratégiyilik küchige taqabil turushni meqset qilghanliqini bildürmekte.

Hindonoziye dunya boyiche eng köp nopusluq musulman döliti bolup, ular hetta iraq urushigha qarshi turghan. Lékin hindonoziye dölet ichidiki islamiy radikal küchlerge zerbe bérishte qattiq pozitsiye tutqan bolup, ular hetta bu jehette amérika bilen hemkarlashqan. (Peride)