چېن شۈيبيەننىڭ ئامېرىكىغا كىرىشى ئالياسكا بىلەن چەكلەندى


2006.05.03
Share on WhatsApp
Share on WhatsApp

تەيۋەن دائىرىلىرىنىڭ چارشەنبە بىلدۈرۇشىچە، لاتىن ئامېرىكىسىنى زىيارەت قىلماقچى بولغان تەيۋەن پرېزىدېنتى چېن شۈيبيەننىڭ ئامېرىكا چېگرىسىدىن كىرىشى ئالياسكا بىلەن چەكلەنگەن. تەيۋەن دائىرىلىرى بۇنداق بولۇشىدا خىتاينىڭ تۈرتكىسى بارلىقىنى بىلدۈرمەكتە.

ئامېرىكا بىرلەشمە ئاگېنتلىقى، چېن شۈيبيەننىڭ ئامېرىكا ھۆكۈمىتىدىن ئۆزىنىڭ پاراگۋاي ۋە كوستورىكاغا قىلىدىغان 5 كۈنلۈك زىيارىتىدە نيو-يوركتا توختاپ ئۆتۈشنى ھەمدە قايتىش يولىدا سان-فرانسىسكودا توختاشنى تەلەپ قىلغانلىقىنى مەلۇم قىلدى. تەيۋەن تاشقى ئىشلار مىنىستىرى جېيمىس خۇاڭ چارشەنبە بۇ ھەقتە ئىنكاس قايتۇرۇپ، ئامېرىكا ھۆكۈمىتىنىڭ چېننىڭ ئامېرىكىغا كىرىشىنى ئالياسكا بىلەن چەكلەپ قويۇشىغا رازى بولمايدىغانلىقىنى بىلدۈردى.

ئەمما ئۇ سۆزىدە يەنە، تەيۋەننىڭ ، ئىتتىپاقدىشى ئامېرىكا ئۈچۈن "قىيىنچلىق" تۇغدۇرۇشنىمۇ خالىمايدىغانلىقىنى ئەسكەرتتى. ئۇ بۇ يەردە، ئامېرىكا ھۆكۈمىتىنىڭ ئىران ۋە شىمالىي كورىيىنىڭ يادرو پروگراممىسىغا قارشى تۇرۇشتا خىتاينىڭ ياردىمىگە ئېرىشمەكچى بولۇۋاتقانلىقىنى كۆرسەتكەن.

چېن شۈيبيەننىڭ نيو-يورك ئارقىلىق ئامېرىكىدا توختاپ ئۆتمەكچى بولغانلىقىدىن خەۋەر تاپقان خىتاي ھۆكۈمىتى ئۆتكەن ھەپتە ئامېرىكىدىن چېننىڭ نيو-يوركقا كىرىشىگە يول قويماسلىقنى تەلەپ قىلغان ئىدى. گەرچە ئامېرىكىنىڭ تەيۋەن بىلەن رەسمىي مۇناسىۋىتى بولمىسىمۇ، لېكىن ۋاشىنگتون ھازىرغىچە تەيۋەننىڭ ئەڭ مۇھىم ئىتتىپاقدىشىدۇر. (پەرىدە)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.