Сабиқ хитай дипломати чин йоңлин америка дөләт мәҗлисидә гувалиқ бәрди
2005.07.22
Австралийиниң седний шәһиридики хитай консулханисиниң сабиқ биринчи дәриҗилик катипи чин йоңлин, пәйшәнбә күни америка дөләт мәҗлисидә гуваһлиқ берип, хитай җасуслуқ органлириниң чәтәлдики демократик күчләр, тибәт вә уйғур һәрикити, фалунгоң муритлириға қарши паалийити тоғрисида доклат бәрди.
Чин йоңлинниң тәкитлишичә, хитай һөкүмити австралийигә 1000 дин артуқ җасус орунлаштурған болуп, бу җасуслар австралийидики фалунгоң муритлирини, демократик күчләрни, тибәт вә уйғурларниң һәрикитини назарәт қилишқа мәсулкән.
Чин йоңлин "мениң билишимчә җоңго һөкүмити америка вә башқа дөләтләрдики әлчиханилирида буниңға охшаш хизмәт гуруппилирини тәшкиллигән," дәп көрсәтти. Униң ашкарилишичә, америкидики хитай җасуслири вә пайлақчилириниң сани австралийидикидин аз әмәскән.
Пәйшәнбә күни өткүзүлгән испат бериш йиғинида, чин йоңлин билән биргә "йеңи таңрен" телевизийә истансиси вә "улуғ ера гезити" ниң мәсуллири гуваһлиқ бәрди. Шу күни америка дөләт мәҗлисиниң алдидики чимлиқта фалунгоң муритлири йиғилиш өткүзүп, хитай һөкүмитигә фалунгоң тәриқитигә давамлиқ зәрбә бериватқанлиқини әйиблигән. (Әркин)
Мунасивәтлик мақалилар
- Сиясий панаһлиқ тилигән хитай депломати америка дөләт мәҗлисидә испат бәрмәкчи
- Хав феңҗүн, хитайниң австралийидики җасуслуқ торини паш қилидиған пакитларни елан қилди
- Америка дөләт мәҗлисидә хитайниң пиланлиқ туғут сиясити һәққидә испат бериш йиғини өткүзүлди
- Рабийә қадир , америка дөләт мәҗлисидә уйғурларниң кишилик һоқуқ вәзийитиниң начарлиқини паш қилди
Көп көрүлгән хәвәрләр
RFA
- Уйғур зиялийлири истанбулға җәм болуп, өз миллий тәқдири мәсилилирини муһакимә қилди
- Уйғурларниң нопуси һәққидики әң йеңи китаб
- Долқун әйса б д т кишилик һоқуқ кеңишидин уйғур ирқий қирғинчилиқиға қарита әмәлий һәрикәт қоллинишни тәләп қилди
- Ваң хуниң: “шинҗаңдики мәдәнийәт, маарип вә муқимлиқ сияситини қәтий давамлаштуруш лазим!”
- Түркийәниң сиясий партийә рәһбәрлири: шәрқий түркистан дәвасини һәр вақит қоллап-қуввәтләймиз