Sabiq xitay diplomati chin yonglin amérika dölet mejliside guwaliq berdi

Awstraliyining sédniy shehiridiki xitay konsulxanisining sabiq birinchi derijilik katipi chin yonglin, peyshenbe küni amérika dölet mejliside guwahliq bérip, xitay jasusluq organlirining chet'eldiki démokratik küchler, tibet we Uyghur herikiti, falun'gong muritlirigha qarshi pa'aliyiti toghrisida doklat berdi.

Chin yonglinning tekitlishiche, xitay hökümiti awstraliyige 1000 din artuq jasus orunlashturghan bolup, bu jasuslar awstraliyidiki falun'gong muritlirini, démokratik küchlerni, tibet we Uyghurlarning herikitini nazaret qilishqa mes'ulken.

Chin yonglin "méning bilishimche jonggo hökümiti amérika we bashqa döletlerdiki elchixanilirida buninggha oxshash xizmet guruppilirini teshkilligen," dep körsetti. Uning ashkarilishiche, amérikidiki xitay jasusliri we paylaqchilirining sani awstraliyidikidin az emesken.

Peyshenbe küni ötküzülgen ispat bérish yighinida, chin yonglin bilen birge "yéngi tangrén" téléwiziye istansisi we "ulugh éra géziti" ning mes'ulliri guwahliq berdi. Shu küni amérika dölet mejlisining aldidiki chimliqta falun'gong muritliri yighilish ötküzüp, xitay hökümitige falun'gong teriqitige dawamliq zerbe bériwatqanliqini eyibligen. (Erkin)