Kishilik hoquq teshkilatliri xitayni, meshhur eydiz pa'aliyetchisi xu jyani qoyup bérishke chaqirdi


2008-01-01
Share

Merkizi parizhgha jaylashqan chégrisiz muxbirlar teshkilati, 28 ‏- dékabir küni bayanat élan qilip, xitay hökümitini, meshhur eydiz pa'aliyetchisi xu jyani qolgha alghanliqini eyiblidi we uni qoyuwétishke chaqirdi.

Xu jya, yéqinqi yillardin béri xitaydiki eydiz késilining tarqilish ehwali we uning xetiri heqqide, üzlüksiz ehwal igilep, bir tereptin eydiz bimarlirini késeldin mudapi'elinishke chaqirsa, yene bir tereptin xitay hökümitini, bu heqte jiddiy tedbir élishqa chaqirghan hem dunyagha xitaydiki eydiz weziyitini pash qilip kelgen idi.

Xu jyaning bu pa'aliyetliri, xitay hökümiti teripidin qutratquluq dep qarilip, u köp qétim nazaret astigha élin'ghan we soraqqa tartilghan idi. Yéqinda u, dölet hakimiyitini aghdurushqa urunush jinayiti bilen eyiblinip tekrar qolgha élin'ghan. Xu jyaning pa'aliyetliri bolsa, chet'eldiki kishilik hoquq jem'iyetlirining alqishigha érishken we a'ilisi buyiche bu yil 5 ‏- dékabirda, chégrisiz muxbirlar teshkilati xitay kishilik hoquq pa'aliyetchiliri üchün tesis qilghan alahide mukapatqa érishken idi.

Chégrisiz muxbirlar teshkilati bu qétimqi bayanatida, xitay hökümitini xu jyani derhal qoyuwétishke chaqirish bilen teng yawropa birlikini xitaygha bésim ishlitishke chaqirdi. (Shöhret hoshur)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet