"Chiriklik" xitay kompartiyisining qanunluq hakimiyitige tehdit bolmaqta

Xelq'araliq teshkilat bolghan "iqtisadiy hemkarliq we tereqqiyat teshkilati" yéqinda bir parche doklat élan qilip, xitayning iqtisadiy islahati mezgilide peyda bolghan chiriklikning, xitay kompartiyisining qanunluq hakimiyitige tehdit boliwatqanliqini körsetti.

Mezkur doklatta melum bolushiche yene, xitayda chiriklik keltürüp chiqarghan ziyan, dölet ichi ishlepchiqirish omumiy miqdarining az dégende 5٪ ini igileydighan bolup, uning omumiy sommisi texminen 84 milyard amérika dollirigha yétidiken.

Xitay hökümiti ilgiri chiqarghan bir parche tekshürüsh doklatida, 1993 - yilidin 1997 - yilighiche bolghan mezgilde, xitayda hökümet emeldarliri arisidiki chiriklik délosining 387 ming 300 qétim yüz bergenliki melum qilin'ghan.

Fransiyidiki bu "iqtisadiy hemkarliq we tereqqiyat teshkilati" chiqarghan doklatta melum bolushiche yene, 2003 - yilining deslepki yérimidila 8 mingdin köp xitay emeldarliri amérikigha qéchip kéliwalghan. Shundaqla ularning 2/3 qismi dölet igiligidiki karxanilarning aliy derijilik emeldarliri bolup, ularning xitaydin qanunsiz halda élip qachqan puli 50 milyard amérika dollirigha yétidiken. (Peride)