Алатавда өлчәмгә йәтмигән хитай чиш пастилири екиспорт қилиштин чәкләнди


2007-07-19
Share

Алатав портидин чәтәлләргә екиспорт қилинмақчи болған 10 миң йәшиккә йеқин чиш пастиси, өлчәмгә йәтмәй қайтуруветилгән.

Хитай ахбарат вастилириниң пәйшәнбә күни бәргән хәвәрләрдин ашкарилинишичә, алатав таможниси 21 аптомобилдики чиш пастиси үстидә тәкшүрүш елип берип, чиш пастилирида диетилен гликол өлчәмдин ешип кетиш әһвалини байқиған.

Хитайда ишләпчиқирилған чиш пастилиридин зәһәрлиништин келип чиққан өлүм вәқәлири, хитайниң хәлқара сода базиридики абройини йәргә урди. Охшашла екиспорт қилинған хитай йемәкликлиридә байқалған зәһәрлик маддилар, сүпәт өлчимигә йәтмәслик әһваллири, хәлқара җамаәтчиликниң хитай мәһсулатлириға болған ишәнчисини йоқатти.

Нөвәттә хитай даирилири хәлқара базардики орниниң үзлүксиз сәлбий тәсирләргә учришиниң алдини елиш үчүн, екиспорт қилинидиған мәһсулатларға қаратқан тәкшүрүш хизмитини күчәйтмәктә.

Бирақ уйғур анализчилири, өлчәмдин өтмигән 10 миң йәшиккә йеқин чиш пастисиниң иқтисадий зиянни қолға кәлтүрүш мәқситидә уйғур илидики истималчиларға сетилиш еһтималлиқидин әндишә қилмақта. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт