Колин повелл шәрқий асия әллиридики зияритини башлиди

Америка ташқи ишлар министири колин повелл җүмә күни японийә җәнубий корийә вә хитайни өз ичигә алған шәрқий асия әллиридики зияритини башлиди. Колин повеллниң хитайдики зияритиниң асаси күнтәртипи шималий корийә ядро қораллар мәсилисигә мәркәзлишиду.

Хитай, колин повеллниң шәрқий асиядики 3 дөләттә елип баридиған зияритиниң ахирқи бекити. Униң хитайдики зиярити 24 вә 25 - өктәбирләрдә елип берилиду. Хитай ташқи ишлар министирлиқиниң баянатчиси җаң чийө, колин повеллниң зиярити хитай - америка мунасвитини илгири сүрүш йолидики муһим зиярәт дәп көрсәтти. Җаң чийө, икки тәрәп сөһбитиниң хитай - америка мунасивити, тәйвән мәсилиси, шималий корийә, терорчилиққа қарши күрәш қатарлиқ мәсилиләргә четилидиғанлиқини илгири сүргән.

Америка ташқи ишлар министирлиқиниң баянатчиси ричард бочер, чен шүйбйәнниң 10 - өктәбирдики нутуқини өз ичигә алған тәйвән мәсилиси, колин повеллиниң бейҗиңдики зияритиниң музакирә күнтәртипигә киридиғанлиқини билдүрди. Америка ташқи ишлар министирлиқи баянатчисиниң ашкарлишичә, колин повелл кишилик һоқуқ мәсилиси үстидиму тохтилиду. У, " ню-йорк вақти гезити" ниң тәтқиқатчиси җав йәнниң мәсилисини тилға елиши мүмкин. Җав йән " ню - йорк вақти" гезитиниң хитайдики хадими иди. Хитай һөкүмити чаршәнбә күни җав йәнни рәсми қолға елип, дөләт мәхпийәтликини чәтәлликләргә ашкарилаш җинайити билән әйипләнгән. (Әркин)