Kolin powéll sherqiy asiya elliridiki ziyaritini bashlidi


2004.10.22

Amérika tashqi ishlar ministiri kolin powéll jüme küni yaponiye jenubiy koriye we xitayni öz ichige alghan sherqiy asiya elliridiki ziyaritini bashlidi. Kolin powéllning xitaydiki ziyaritining asasi küntertipi shimaliy koriye yadro qorallar mesilisige merkezlishidu.

Xitay, kolin powéllning sherqiy asiyadiki 3 dölette élip baridighan ziyaritining axirqi békiti. Uning xitaydiki ziyariti 24 we 25 - öktebirlerde élip bérilidu. Xitay tashqi ishlar ministirliqining bayanatchisi jang chiyö, kolin powéllning ziyariti xitay - amérika munaswitini ilgiri sürüsh yolidiki muhim ziyaret dep körsetti. Jang chiyö, ikki terep söhbitining xitay - amérika munasiwiti, teywen mesilisi, shimaliy koriye, térorchiliqqa qarshi küresh qatarliq mesililerge chétilidighanliqini ilgiri sürgen.

Amérika tashqi ishlar ministirliqining bayanatchisi richard bochér, chén shüybyenning 10 - öktebirdiki nutuqini öz ichige alghan teywen mesilisi, kolin powéllining béyjingdiki ziyaritining muzakire küntertipige kiridighanliqini bildürdi. Amérika tashqi ishlar ministirliqi bayanatchisining ashkarlishiche, kolin powéll kishilik hoquq mesilisi üstidimu toxtilidu. U, " nyu-york waqti géziti" ning tetqiqatchisi jaw yenning mesilisini tilgha élishi mümkin. Jaw yen " nyu - york waqti" gézitining xitaydiki xadimi idi. Xitay hökümiti charshenbe küni jaw yenni resmi qolgha élip, dölet mexpiyetlikini chet'elliklerge ashkarilash jinayiti bilen eyiplen'gen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.