Xitay hökümiti mérkélning dalay lamani qobul qilghanliqigha naraziliq bildürdi


2007.09.25

Xitay tashqi ishlar ministirliqining bayanatchisi jang chiyö seyshenbe küni " gérmaniye bash ministiri an'géla mérkélning dalay lama bilen uchrishishi junggu bilen gérmaniye munasiwitige éghir derijide dexli yetküzidu" dédi.

Jang chiyö yene an'géla mérkél xanimni eyiblep "mérkélning herikiti junggoning ichki siyasitige arilashqanliq shunga, gérmaniye terep derhal ikki dölet munasiwitini eslige keltürüsh üchün tégishlik charilerni körsitishi kérek "dep telep qildi.

Bash ministir an'géla mérkél xanim yekshenbe küni chüshtin kéyin, dalay lama bilen uchriship, bir sa'etke yéqin söhbetleshti. Mérkélning bayanatchisining ashkarilishiche, bash ministir mérkél dalay lamagha éhtiram körsitish bilen birge, özining dalay lamaning tibet medeniyitini qoghdash üchün körsetken tirishchanliqini, bolupmu diniy we aptonomiye hoquqi üchün élip bériwatqan ténch pa'aliyetlirini qollaydighanliqini bildürdi.

Dalay lama tunji qétim, gérmaniye bash ministirliq sariyida qobul qilindi, buningdin bir qanche waqit ilgiri u awstiriye bash ministirining sariyida, mezkür döletning bash ministiri teripidin qobul qilin'ghan idi.

Gérmaniyide chiqidighan " jenubiy gérmaniye géziti" de gérmaniye - junggu munasiwiti mérkélning yuqiri derijilik hökümet xadimlirining pikrige qarimay , dalay lamani qobul qilishi sewebidin yiriklishishi mumkin dégen analizlar élan qilindi.

Dalay lama, gérmaniye metbu'atlirining ziyaritini qobul qilip : "men qeyerde bolay, junggu terep buninggha qarshiliq bildüridu, junggoluqlar peqet özining qeyerge qeder mangalaydighanliqini sinawatqan bolushi mumkin, shunga méningche mérkél bilen körüshkenlikim , junggu gérmaniye munasiwitige anche köp tesir yetküzmeydu" dédi. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.