Америка хитайдин судан мәсилисидә б д т билән һәмкарлишишни тәләп қилди


2007.01.12
Share on WhatsApp
Share on WhatsApp

Америка президентиниң судан мәсилиси бойичә алаһидә әлчиси андрео натсиос җүмә күни хитайда елип барған бәш күнлүк зияритини ахирлаштурди. Андрио натсиос, зиярәт җәрянида хитай даирилиридин суданға болған тәсирини ишқа селип хартум һөкүмитини б д т ниң дарфур мәсилисидики қарариға бой сунушқа қайил қилишни тәләп қилған.

Ройтерс ахбарат агентлиқиниң әскәртишичә, андрио натсиос, судан даирилириниң дарфурдики зораванлиққа хатимә бериш җәһәттә йетәрлик тәдбир алмайватқанлиқидин давамлиқ әндишә қиливатқанлиқини билдүргән. Андрио натсиос бейҗиңдин айрилиштин бурун өткүзгән мухбирларни күтүвелиш йиғинида, "мениңчә хитай дарфур мәсилисини һәл қилишта техиму муһим рол ойнап бизниң мәсилини һәл қилишимизға ярдәмчи болуши керәк," дәйду.

Хитай суданни қорал - ярақ билән тәминләйдиған муһим дөләт шундақла хитай нефит ширкәрлири судан нефит әслиһәлиригә зор көләмдә мәбләғ салмақта. Өткән йили 11 - айда судан хитайлар хам нефит импорт қилидиған 4 - дөләткә айланди. Судан һөкүмити б д т хәвпсизлик кеңишиниң дарфур райониға 22 миң кишилик тинчлиқ қоғдиғучи қисим әвәтиш қарарини иҗра қилишни рәт қилмақта. Хитай болса б д т хәвпсизлик кеңишиниң әзаси шундақла у бурун америкиниң суданға имбарго қоюш тәклип лайиһисини рәт қилған.

Суданниң дарфур районида 2003 - йили тоқуниш партлиғандин бери 200 миң адәм өлди вә 2 йерим милйон пуқра юрт макансиз қалди. Натсиос," әгәр судан давамлиқ тосалғу пәйда қилса, биз техиму мәҗбурлаш истратегийсини қоллинишимиз мумкин," дәйду. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.