ئامېرىكا ئاۋام پالاتاسى دارفۇر مەسىلىسىدە خىتايغا قارىتا قانۇن لايىھىسى ماقۇللىدى


2007.06.06
Share on WhatsApp
Share on WhatsApp

6- ئىيۇن چارشەنبە كۈنى، ئامېرىكا ئاۋام پالاتاسى قانۇن لايىھىسى ماقۇللاپ، خىتاي ھۆكۈمىتىنى دارفۇردىكى يېغىلىقلارنى ئاخىرلاشتۇرۇشتا ئۆز رولىنى جارى قىلدۇرۇشقا قىستىدى.

410-0 نومۇرلۇق قانۇن لايىھىسىدە، سۇدان ھۆكۈمىتى بىرلەشكەن دۆلەتلەر تەشكىلاتىنىڭ قارارىنى قوبۇل قىلغىچە بولغان ئارىلىقتا، خىتاينىڭ سۇدان بىلەن بولغان بارلىق ئىقتىسادىي ۋە ھەربىي ئالاقىسىنى توختىتىشى چاقىرىلغان.

ئاۋام پالاتا ئەزاسى دېموكرات، باربارا لېئې، قانۇن لايىھىسىنى تونۇشتۇرۇپ، خىتاي ھۆكۈمىتىنىڭ مەزكۇر قانۇن لايىھىسىنى بىر ئەيىبنامە دەپ چۈشىنىپ قالماسلىقنى تەكىتلىدى.

ئۇ مۇنداق دېدى: "بۇ قانۇن لايىھىسىنى تاتلىق قىلىپ كۆرسىتىشنىڭ ھاجىتى يوق. خىتاي بولسا، دۇنيا جامائەتچىلىكىنى پىسەنت قىلمىغان بىر قىرغىنچى ھاكىمىيەتنىڭ ئەجەللىك سودا شېرىكى" دەيدۇ.

دارفۇردا 2003- يىلىدىن بەرى 200 مىڭدىن ئارتۇق ئادەم قىرغىن قىلىنغان ۋە ئىككى يېرىم مىليوندىن ئارتۇق ئادەم ئۆي-ماكانسىز قېلىپ مۇساپىر بولۇپ كەتكەن.(جۈمە)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.