Amérika awam palatasi darfur mesiliside xitaygha qarita qanun layihisi maqullidi

6- Iyun charshenbe küni, amérika awam palatasi qanun layihisi maqullap, xitay hökümitini darfurdiki yéghiliqlarni axirlashturushta öz rolini jari qildurushqa qistidi.

410-0 Nomurluq qanun layihiside, sudan hökümiti birleshken döletler teshkilatining qararini qobul qilghiche bolghan ariliqta, xitayning sudan bilen bolghan barliq iqtisadiy we herbiy alaqisini toxtitishi chaqirilghan.

Awam palata ezasi démokrat, barbara lé'é, qanun layihisini tonushturup, xitay hökümitining mezkur qanun layihisini bir eyibname dep chüshinip qalmasliqni tekitlidi.

U mundaq dédi: "bu qanun layihisini tatliq qilip körsitishning hajiti yoq. Xitay bolsa, dunya jama'etchilikini pisent qilmighan bir qirghinchi hakimiyetning ejellik soda shériki" deydu.

Darfurda 2003- yilidin beri 200 mingdin artuq adem qirghin qilin'ghan we ikki yérim milyondin artuq adem öy-makansiz qélip musapir bolup ketken.(Jüme)