Amérika dölet mejlisi darfur mesilisini béyjing olimpik yighinigha baghlaydighan qarar lahiyisi maqullidi


2007.06.08
Share on WhatsApp
Share on WhatsApp

Dölet mejlisi aldinqi küni darfur mesilisini béyjing olimpik yighinigha baghlaydighan qarar lahiyisi maqullap, xitay da'irilirini darfur mesiliside olimpik musabiqisining insanperwerlik rohigha munasip heriket qilishqa chaqirdi.

Dölet mejlisining qarar lahiyiside, amérikidiki bezi siyasetchi we pa'aliyetchilerning ‏2008‏- yili béyjingda ötküzülidighan olimpik musabiqisini bayqut qilish heqqidiki chaqiriqi yer almighan bolsimu, lékin qarar lahiyiside " xitay darfur, sudan we dunyaning bashqa jaylirida olimpik musabiqisining insan qedir - qimmitini ulughlash rohigha izchil türde emel qilishi kérek," dep agahlandurdi. Darfur mesilisini béyjing olimpik musabiqisigha baghlaydighan qarar lahiyisi maqullash xitay da'irilirining jénigha tegdi.

Xitay tashqiy ishlar ministirliki peyshenbe küni élan qilghan bu heqtiki bayanatida qarar lahiyisini " junggoning darfur mesilisidiki ijabiy tirishchanliqini nezerge almay, junggoni sewebsiz halda tenqid qilghan shundaqla darfur mesilisini béyjing olimpik musabiqisi bilen baghlimaqchi bolghan. Bu junggoning ichki ishlirigha qopalliq bilen arlashqanliqtur, " dep eyiplidi.

Sudanda yerlik qebililer bilen xartum hökümiti arisida partlighan toqunushta 2003‏- yili 2‏- aydin hazirghiche 200 mingdin artuq adem ölgen, 2 yérim milyon insan makanliridin ayrilghan idi. Xitay sudan bilen bolghan iqtisadiy we néfit sodisi tüpeylidin b d t xewpsizlik kéngishide amérika we gherb döletlirining darfurgha xelq'ara qisimlarni ewetish hem sudan'gha imbargo quyush teklipini ret qilip kelmekte idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.