Amérika metbu'ati "darfurdiki qirghinchiliqni toxtitish üchün, béyjing olimpik tenheriket yighinini bayqut qilish kérek" dep yazdi


2007.06.12
Share on WhatsApp
Share on WhatsApp

Amérikida chiqidighan washin'gton waqti gézitide darfur mesilisi heqqide élan qilin'ghan maqalide, darfurdiki qirghinchiliqni toxtitishning eng muwapiq yoli béyjing olimpik tenheriket yighinini bayqut qilish, déyilgen.

11‏- Iyun küni, siyasiy mulahizichi nat héntof teripidin élan qilin'ghan maqalide mundaq dep otturigha qoyulghan: " amérika prézidénti bush 29‏- may küni darfurdiki qirghinchiliqni toxtitish üchün sudan'gha qarshi yéngi jaza tedbirliri qollinish toghrisida buyruq chüshürüp, sudan prézidénti ömer beshirni, darfurdiki bigunah kishilerning öltürülüshi, bombilinishi hemde tajawuzgha uchrishida qoli bar dep, eyiblidi. Prézidént bushning bu buyruqi bilen sudan hökümitining igidarchiliqidiki yaki hökümet kontrolluqidiki yene 31 shirketning amérika shirketliri bilen soda -alaqisi cheklendi."

Nat héntof maqaliside, amérika prézidénti bushning iqtisadiy jazagha qoshumche, b d t bixeterlik kéngishidin sudan'gha qarita qoral imbargosi yolgha qoyushni telep qilidighanliqini jakarlighanliqini tekitligen.

Nat héntof mundaq deydu, "lékin, xitayning darfur mesilisidiki alahide wekili lyu güyjin, "prézidént bush teripidin yolgha qoyulghan tedbirler üstide toxtilip, bu kebi jazalar we bésimlar darfur mesilini bir terep qilalmaydu. Eksiche, mesilini bir terep qilishni téximu qiyinlashturidu , dégen. Bu xitayning sudanni qoghdawatqan dunyadiki birdin bir dölet ikenlikini körsitidu. Shunga , darfurdiki qirghinchiliqni toxtitish üchün, sudan'gha qarita iqtisadiy jaza yolgha qoyushning ornigha, 2008‏- yilliq béyjing olimpik tenheriket yighinini bayqut qilish, téximu ünümlük netije béridighandek turidu." (Ömer qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.