Xelq'ara kechürüm teshkilati: xitay bilen rusiye darfur qoral-yaraq imbargosigha xilapliq qildi

Seyshenbe küni, xelq'ara kechürüm teshkilati xitay bilen rusiyini, birleshken döletler teshkilatining qoral-yaraq imbargosigha xilapliq qilip herbiy qorallarning sudan'gha éqip kirishige yol qoyup, xelq'ara qanun'gha xilapliq qildi, dep eyiblidi.

Kechürüm teshkilatining bildürüshiche, xitay bilen rusiye yol qoyghan qorallar köpinche hallarda darfurdiki irqiy toqunushta we chad rayonliridiki toqunushlarda ishlitilidiken. Kechürüm teshkilati xitay we rusiyining bu qilmishliridin intayin endishilen'genlikini ipadilidi.

Xitay tashqi ishlar ministirliqi bayanatchisi jyang yü, mezkur teshkilatning eyibleshlirining "pütünley yolsizliq" ikenliki bildürüp, xitayning qoral ‏- yaraq éksportining "éhtiyatchan, mes'uliyetchan we birleshken döletler teshkilatlirining qanun layihelirige emel qilghan" asasta yürgüzülgenlikini tekitligen.

Rusiye axbarat wasitilirining rusiye tashqi ishlar ministirlikining bayanatidin neqil keltürüshiche, rusiye " bizning héchqandaq qorallirimiz darfurda ishlitilmidi" dep körsetken.

Birleshken döletler teshkilatining melumatigha qarighanda, 2003-yili darfur rayonidiki xartom hökümiti bilen topilangchilar arisida yüz bergen toqunushta 200 mingche ademning ölgen we 2 milyondin artuq adem oy ‏- makanliridin ayrilip musapir bolup ketken. (Jüme)