Б д т баш секритари кофи аннан хитайда зиярәттә болди


2004.10.12
Share on WhatsApp
Share on WhatsApp

Хитай дөләт рәиси хуҗиңтав вә баш министир вен җиябав сәйшәнбә күни айрим- айрим һалда хитайға зиярәткә кәлгән бирләшкән дөләтләр тәшкилати баш секритари кофи аннан билән көрүшти. Кофи аннан хитайниң хәлқара тинчлиқни қоғдаш һәрикитидә актип рол ойнишини тәләп қилиш билән биргә, хитайдики муһит қоғдаш мәсилилиригә тоғра қарашқа үндиди.

Франсийә ахбарат агентлиқиниң хәвиригә қариғанда, аннан сөзидә йәнә, хитайниң иқтисадий вә һәрбий күчиниң күнсайин ешишиға әгишип, хәлқара җәмийәтниң хитайдин хәлқара тинчлиқни қоғдаш һәрикити вә башқа хәлқара тәшкилатларға бивастә арилишишни күтидиғанлиқини, шундақла, дунядики уруш қалаймиқанчилиқиниң азавини тартиватқан дөләт вә районларда урушни ахирлаштуруп, қайта қурулуш ишлириға ярдәмлишишини тәләп қилидиғанлиқини билдүрди.

Кофи аннан йәнә хитайниң муһит программисини көздин көчүрүп, хитайниң өткәнки 25 йилдин буян түрлүк екологийилик муһит мәсилилиригә дуч кәлгәнликини вә һазирдин башлап кәлгүси әвлад үчүн яхши муһит һазирлашқа көп күч чиқириши керәкликини тәкитлиди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт