Erkin démokratik sherqiy asiya rehberliri yighini amérika dölet mejlisi binasida ötküzülmekchi

Uyghur kishilik hoquq yétekchisi rabiye qadir xanim seyshenbe küni amérika dölet mejlisi binasida ötküzülidighan "démokratik erkin sherqiy asiya rehberliri yighini" gha qatniship, tibet, mongghul, teywen we démokratik xitaylar bilen kishilik hoquq we démokratiye we mesililirini muzakire qilmaqchi.

Wéy jingsing fondi jem'iyiti bu qétimqi yighin'gha kapaletlik qilghan organlarning biri bolup, yighin'gha dunya Uyghur qurultiyining bash katipi dolqun eysalar teklip qilin'ghan.

Eger yighin ongushluq ötküzülse, bu Uyghur, tibet, mongghul we démokratik xitay wekillirining amérika dölet mejlisi binasida tunji qétim kishilik hoquqni we démokratiye mesilisini muzakire qilishi bolup qalidu.

Wéy jingsing fondi jem'iyiti démokratik erkin asiya rehberliri yighinining meqsidini "öz - ara chüshenche turghuzush, kishilik hoquq we démokratiye bayriqi astida erkin asiya ittipaqi qurush, asiyada kishilik hoquq we dimokratiye kürüshi élip bériwatqan alaqidar rehberlerning hemkarliqi we ittipaqliqini ilgiri sürüsh, qedemmu - qedem dunyawi tor qurush üchün ittipaqlishish, " deydu. (Erkin)