Әркин демократик шәрқий асия рәһбәрлири йиғини америка дөләт мәҗлиси бинасида өткүзүлмәкчи

• 
  2006-09-18

Уйғур кишилик һоқуқ йетәкчиси рабийә қадир ханим сәйшәнбә күни америка дөләт мәҗлиси бинасида өткүзүлидиған "демократик әркин шәрқий асия рәһбәрлири йиғини" ға қатнишип, тибәт, моңғул, тәйвән вә демократик хитайлар билән кишилик һоқуқ вә демократийә вә мәсилилирини музакирә қилмақчи.

Вей җиңсиң фонди җәмийити бу қетимқи йиғинға капаләтлик қилған органларниң бири болуп, йиғинға дуня уйғур қурултийиниң баш катипи долқун әйсалар тәклип қилинған.

Әгәр йиғин оңушлуқ өткүзүлсә, бу уйғур, тибәт, моңғул вә демократик хитай вәкиллириниң америка дөләт мәҗлиси бинасида тунҗи қетим кишилик һоқуқни вә демократийә мәсилисини музакирә қилиши болуп қалиду.

Вей җиңсиң фонди җәмийити демократик әркин асия рәһбәрлири йиғининиң мәқсидини "өз - ара чүшәнчә турғузуш, кишилик һоқуқ вә демократийә байриқи астида әркин асия иттипақи қуруш, асияда кишилик һоқуқ вә димократийә күрүши елип бериватқан алақидар рәһбәрләрниң һәмкарлиқи вә иттипақлиқини илгири сүрүш, қәдәмму - қәдәм дуняви тор қуруш үчүн иттипақлишиш, " дәйду. (Әркин)