Xitayning démokratik pa'aliyetchisi yang jiyenli amérikigha yétip keldi
2007.08.20
Amérikida menggülük yashash ruxsitige érishken, lékin kéyin xitaygha qaytip bérip tutulup qalghan xitay démokratiye pa'aliyetchisi yang jiyenli 5 yil xitay türmiside yatqandin kiyin qoyup bérilip amérikigha yétip keldi.
Yang jiyenli 17- awghust shenbe küni amérika diplomati jaréd gensérning hemrahliqida béyjingdin sanfranssko ayrodromigha kelgen we bostondiki öyige qaytqan. Xitay hökümitining yanggha pasport béjirip bergenlikini eskertken jaréd gensér" u amérikigha qaytip keldi we ayali we ikki balisi bilen jem boldi" deydu.
Yang jiyenli burun xarward uniwérsitétida tetqiqat bilen shughullan'ghan we 2002- yili xitaygha kirgende, xitay saqchiliri teripidin teywen ishpiyoni we chégridin qanunsiz kirgen, dep eyiblen'gen hemde besh yilliq qamaqqa höküm qilin'ghan.
Yang jiyenli 1989- yilidiki tyen'enmén namayishigha qatnashqanliqi üchün, béyjing da'iriliri kéyin uning pasportini uzartip bermigen.
Amérika maliye ministiri hénry pa'ulson, bu yil martta xitay bash ministiri wén jiyabaw bilen körüshkende, yang jiyenlining mesilisini otturigha qoyghan idi.
Yang jiyenli bu yil 27- aprél qoyup bérilgendin buyan kimlik salahiyet mesilisi hel bolmay xitayda turup qalghan bolup, béyjing da'iriliri uninggha salahiyet guwahnamisi bermigen hem uni chégridin chiqishigha ruxset qilmighan idi. U 21-awghust amérika paytexti washin'gtonda muxbirlarni kütüwélish yighini achidu. (Jüme)
Munasiwetlik maqalilar
- Sabiq güentanamo tutqunliri 17 yilliq qamaq jazasigha höküm qilindi
- Amérika aliy soti, güentanamodiki mehbuslarning délosini körüp chiqishni qarar qildi
- Adwokatlar amérikining güentanamodiki bezi mehbuslarni albaniyige ewetkenlikini tenqid qildi
- Xitay eng köp ölüm jazasi ijra qilidighan döletler qatarida xelq'ara kishilik hoquqni közitish teshkilati teripidin eyiblendi
- Amérika dölet mejlisi xitaydin yang jyenlini qoyup bérishni telep qildi
- Kishilik hoquq emeldarliri: ten jazasi qobul qilinmaydighan qilmish
- B d t elchisi xitaydiki qiyin- qistaqqa élish ehwallirini tekshüridu
- B d t xitaydiki tekshürüshning tosqunluqsiz élip bérilishini ümid qildi
Köp körülgen xewerler
RFA
- Parizhda otturigha chiqqan “Shinjangliq” larning kimliki ashkarilandi
- Jenwediki b d t yighinida xitay wekilliri yighin meydanini tashlap chiqip ketken
- Tuzini yep, tuzluqini chéqish: xitay yazghuchisi wang méngning Uyghur söygüsi qanchilik?
- Xitay özini aqlash üchün “B d t 16-nöwetlik az sanliqlar munbiri” de bir neper Uyghur ayalni sehnige chiqarghan
- Jenwediki b d t munbiride: “Uyghur teshkilatliri wekilliri Uyghur mejburiy emgikige da'ir herqandaq so'algha jawab bérishke teyyar! ”