Һелари билән обама хитай таварлиридин баҗ елиш қанун тәклип лайиһисини қоллаш сепигә қетилди
Америка демократлар партийисиниң президент намзатлири ичидә алдинқи рәттики кандидатлардин кеңәш палата әзаси һелари клинтон билән барак обама, кеңәш палатасиниң 4 нәпәр әзаси тәрипидин оттуриға қоюлған хитай маллиридин таможна беҗи елиш һәққидики қанун тәклип лайиһисини қоллайдиғанлар сепигә қетилди.
Ройтерс ахбарат агентлиқиниң хәвәр қилишичә, америка дөләт мәҗлисидики әмәлдарлар һелари клинтон билән барак обаманиң өткән һәптә мәзкур қанун тәклип лайиһисигә имза қойғанлиқини билдүргән. Бу қанун тәклип лайиһисидә, әгәр хитай хәлқ пулиниң қиммитини өстүрүп, хитай - америка арисидики сода тәңпуңсизлиқини өзгәртишкә күчимисә, хитай таварлириға таможна беҗи қоюш оттуриға қоюлған. Гәрчә мәзкур қанун тәклип лайиһисидә хитайниң исми тилға елинмиған болсиму, лекин бу қанунниң тиғ учи хитайға қаритилғанлиқи шүбһисиз.
Вашингтондики көзәткүчиләр, демократлар партийисидин болған әң күчлүк 2 президент намзатиниң бу қанун лайиһисини қоллиғанлиқи, келәр нөвәтлик президент сайлимида хитай - америка сода мунасивити әң талаш - тартиш қозғайдиған қизиқ темилардин болуп қалидиғанлиқини билдүрмәктә.
Америка дөләт мәҗлисидики бәзи әзалар, бейҗиң һөкүмитиниң хитай пули қиммитини% 40 әрзан тутуп, експорт мәһсулатлириға адаләтсиз риқабәт муһити яритиватқанлиқини вә бу хитай - америка содисида америкиниң сода қизил рәқими 200 милярд доллардин ешип кетишигә сәвәбчи болуватқанлиқидин нарази болувататти. (Әркин)
Мунасивәтлик мақалилар
- Коммунизимниң зиянкәшликигә учриған кишиләрни хатириләш абидиси вашингтонда тикләнди
- Демократлар ираққа йәнә әскәр әвәтишкә қарши чиқти
- Америкида парламинт сайлими аяқлашти
- Америкиниң мудапиә миниситири рамисфелт әпәнди вәзиписидин истипа бәрди
- Күвәйт аяллири тунҗи қетим сайламға қатнашти
- Мисир президенти мубарәкниң сайламда ғәлибә қилғанлиқи җакарланди
- Америка кеңәш палатаси кондолиза райсниң ташқи ишлар министири болишини мақуллиди
- Җорҗ бушниң вәзипә тапшурувелиш мурасими өткүзүлди
- Кондолиза райс америка кеңәш палатаси ташқи ишлар комитетиниң мақуллишидин өтти
- Әлфидар илтәбир америка уйғур бирләшмисиниң йеңи нөвәтлик рәисликигә сайланди
- Ғулҗада түрмидин чиққан яқуп һәсән һарпа күни, оғли билал яқуп һейт күни түгәп кәткән
- Қәшқәрдә лагерға адәм тутушта хизмәт көрсәткән сақчиниң қизиму 10 йиллиқ кесилгән
- Б д т әмәлдариниң хитайниң уйғурлар һәққидики сахта тәшвиқатлириға маслишип, хитайдин 200 миң доллар пул алғанлиқи ашкариланди
- Б д т кишилик һоқуқ алий комиссари бачелетниң хитай зиярити рәсмий башланди
